ప్రపంచ ప్రఖ్యాతిగాంచిన ప్రదేశం గండికోట
ఒబెరాయ్ గ్రూప్‌ హోటల్స్‌ పెట్టుబడులు పెట్టడం శుభపరిణామం
స్టార్ గ్రూపుల రాకతో గండికోటను టూరిజం మ్యాప్‌లోకి తీసుకెళ్తాం
త్వరలో కడప స్టీల్‌ఫ్యాక్టరీకి ఎన్విరాన్మెంట్‌ క్లియరెన్స్‌
సెవెన్‌ స్టార్ హోటళ్ల నిర్మాణానికి భూమి పూజ చేసిన సీఎం జగన్‌ మోహన్ రెడ్డి
కొప్పర్తి డిక్సన్‌ కంపెనీ ద్వారా మరో వెయ్యి మందికి ఉద్యోగాలు
కొప్పర్తిలో పలు కంపెనీలతో ఎంవోయూలు చేసుకుంటాం
ఆంధ్రప్రదేశ్ ముఖ్యమంత్రి జగన్‌ మోహన్ రెడ్డి
వైఎస్సార్‌ జిల్లా గండికోట : ఆంధ్రప్రదేశ్ లో మూడు చోట్ల సెవెన్‌స్టార్‌
హోటళ్ల నిర్మాణానికి సీఎం జగన్‌ మోహన్ రెడ్డి ఆదివారం గండికోటలో భూమి పూజ
చేశారు. వైఎస్‌ఆర్‌ కడప జిల్లా జమ్మలమడుగు మండలం గండికోటలో సీఎం
జగన్‌మోహన్‌రెడ్డి పర్యటించారు. ఒబెరాయ్ హోటల్ నిర్మాణానికి సీఎం శంకుస్థాపన
చేశారు. అనంతరం అక్కడ ఏర్పాటు చేసిన ఫొటో ఎగ్జిబిషన్‌ను ఆయన తిలకించారు. మూడు
చోట్ల సెవెన్‌ స్టార్ హోటళ్ల నిర్మాణాలకు గండికోటలో సీఎం భూమిపూజ చేశారు.
గండికోట, తిరుపతి, విశాఖలో వీటిని నిర్మించనున్నారు. ఒబెరాయ్ సంస్థ
ప్రతినిధులతో సీఎం జగన్‌ సమావేశం అయ్యారు. ఈ కార్యక్రమంలో ఒబెరాయ్ హోటల్స్‌
ఎండీ విక్రమ్‌సింగ్‌ ఒబెరాయ్, డిప్యూటీ సీఎం అంజాద్‌ బాషా, మంత్రులు ఆర్కే
రోజా, ఆదిమూలపు సురేష్‌ ఎంపీ అవినాష్‌రెడ్డి పాల్గొన్నారు.
గండికోటను ప్రపంచానికి పరిచయం చేస్తున్నాం : సీఎం జగన్‌ మోహన్ రెడ్డి
గండికోటను ప్రపంచానికి పరిచయం చేయబోతున్నామని, ఒబెరాయ్ వంటి పెద్ద కంపెనీలు
గండికోటలో స్టార్ హోటల్ ఏర్పాటు హర్షణీయం అని ముఖ్యమంత్రి వైఎస్‌
జగన్‌మోహన్‌రెడ్డి అన్నారు. ఆదివారం ఆయన వైఎస్సార్‌ జిల్లా గండికోటలో ఒబెరాయ్
హోటల్ నిర్మాణ పనులకు భూమిపూజ చేశారు. అనంతరం విశాఖ, తిరుపతి ఒబెరాయ్
హోటల్స్‌కు వర్చువల్‌గా శంకుస్థాపన చేసిన ఆయన సభలో మాట్లాడుతూ ఒబెరాయ్
గ్రూప్‌ హోటల్స్‌ పెట్టుబడులు పెట్టడం శుభపరిణామం అన్నారు, స్టార్ గ్రూపుల
రాకతో గండికోటను టూరిజం మ్యాప్‌లోకి తీసుకెళ్తామన్నారు. గండికోట అంతర్జాతీయ
మ్యాప్‌లోకి వెళ్తుంది. ఒబెరాయ్ సెవెన్‌ స్టార్స్‌ హోటల్స్‌ ద్వారా ఉపాధి
అవకాశాలు కలుగుతుంది. గండికోటకు మరో స్టార్ గ్రూప్‌ను కూడా తీసుకొస్తాం.
కొప్పర్తి డిక్సన్‌ కంపెనీ ద్వారా మరో వెయ్యి మందికి ఉద్యోగాలు. కొప్పర్తిలో
పలు కంపెనీలతో రేపు(సోమవారం) ఎంవోయూలు చేసుకుంటాం. గండికోటలో గోల్ఫ్‌
కోర్స్‌ను ఏర్పాటు చేయాలని ఒబెరాయ్‌ని కోరా. త్వరలో కడప స్టీల్‌ఫ్యాక్టరీకి
ఎన్విరాన్మెంట్‌ క్లియరెన్స్‌ రాబోతుందని సీఎం జగన్‌ పేర్కొన్నారు.
రాష్ట్రంలో అభివృద్ధిని సీఎం జగన్‌ పరుగులు పెట్టిస్తున్నారు: మంత్రి రోజా
రాష్ట్రంలో అభివృద్ధిని సీఎం జగన్‌ పరుగులు పెట్టిస్తున్నారని ఆంధ్రప్రదేశ్
పర్యాటక శాఖ మంత్రి రోజా అన్నారు. అభివృద్ధి, సంక్షేమం రెండు కళ్లుగా పాలన
చేస్తున్నారని, ఏపీలో పర్యాటక రంగానికి అధిక ప్రాధాన్యత ఇస్తున్నామన్నారు.
రికార్డు సృష్లించాలన్నా బద్ధలుగొట్టాలన్నా సీఎం జగన్‌కే సాధ్యం అని స్పష్టం
చేశారు.
గండికోట చారిత్రాత్మక ప్రదేశం : ఏపీ సీఎస్‌ జవహర్‌రెడ్డి
గండికోట చారిత్రాత్మక ప్రదేశం అని ఏపీ సీఎస్‌ జవహర్‌రెడ్డి అన్నారు.
పర్యాటక రంగంలో కొత్త అధ్యాయానికి సీఎం శ్రీకారం చుట్టారని, పోలవరం
ప్రాంతాల్లో కూడా పర్యాటక అభివృద్ధి జరుగుతోందన్నారు. గండికోట దేశంలోనే గొప్ప
పర్యాటక కేంద్రంగా నిలుస్తుందని చెప్పారు.
