ఈ ఆహార పదార్థాలు తీసుకోవడం వల్ల వెన్నునొప్పి తగ్గుతుంది..!

మారిన జీవనశైలితో చాలా మంది వెన్ను నొప్పితో ఇబ్బంది పడుతున్నారు. పేలవమైన
జీవనశైలి, ఎక్కువ సేపు కూర్చొని ఉండటం కారణంగా వెన్నునొప్పి సమస్యలు
అధికమవుతాయి. ఈ సమస్య నుంచి బయిట పడాలంటే వీటిని తినడం ఉత్తమం.

ఆలివ్ ఆయిల్:

ఆలివ్ ఆయిల్ లో ఇన్ఫ్లమేషన్ ను తగ్గించే గుణాలు అధికంగా ఉంటాయి. ఇవి
వెన్నునొప్పిని తగ్గిస్తాయి. ఎక్కువగా వేడి చేస్తే ఇందులోని పోషకాలు కోల్పోయే
ప్రమాదం ఉంది.

ఫ్యాటీ ఫిష్:

సాల్మన్, ట్యూనా వంటి ఫ్యాటీ ఫిష్ల లో ఒమేగా-3 ఫ్యాటీ యాసిడ్స్ అధికంగా
ఉంటాయి. ఇందులో ఉన్న యాంటీ ఇన్ఫ్లమేటరీ గుణాలు కీళ్ల నొప్పులు, వెన్ను
నొప్పిని తగ్గిస్తాయి.

నట్స్:

రెగ్యులర్ గా నట్స్ తినడంతో వెన్నునొప్పి తగ్గుతుంది. ముఖ్యంగా గుమ్మడి
గింజలు, వాల్ నట్స్ తినడం ఉత్తమం. వీటిలో ఉన్న ఒమేగా-3 ఫ్యాటీ యాసిడ్స్
ఎముకలను బలంగా మార్చుతాయి. వెన్నునొప్పిని తగ్గిస్తాయి.

బ్రోకలీ:

క్రూసిఫెరస్ కూరగాయలు తినడంతో శరీరానికి కావాల్సిన విటమిన్లు, పోషకాలు
పుష్కలంగా అందుతాయి. బ్రోకలి, క్యాబేజీలో ఉన్న యాంటీ ఆక్సిడెంట్లు, యాంటీ
ఇన్ఫ్లమేటరీ గుణాలు వాపు నుంచి ఉపశమనం అందిస్తాయి.

పప్పులు:

వివిధ రకాల పప్పుధాన్యాలను ఆహారంలో భాగం చేసుకోవడంతో శరీరానికి కావాల్సిన
ప్లేవనాయిడ్స్ సులభంగా అందుతాయి. ఇవి శక్తిని అందించి వాపును నిరోధిస్తాయి.
వీటిని తినడంతో వెన్ను నొప్పి తగ్గుతుంది.

పండ్లు:

పండ్లు తినడంతో శరీరానికి కావాల్సిన పోషకాలు సులభంగా అందుతాయి. ముఖ్యంగా
యాపిల్స్, పైనాపిల్, బెర్రీలు, చెర్రీస్, ద్రాక్ష తినడంతో వాపు నుంచి ఉపశమనం
లభిస్తుంది. వెన్నునొప్పి నుంచి ఉపశమనం లభిస్తుంది.

గ్రీన్ టీ:

దీర్ఘకాలికంగా ఉన్న వెన్నునొప్పిని తగ్గించడంలో గ్రీన్ టీ సహాయపడుతుంది.
గ్రీన్ టీలో ఫ్లేవనాయిడ్స్ పుష్కలంగా ఉంటాయి. ఇవి మంటను, వాపును తగ్గిస్తాయి.

డార్క్ చాక్లెట్:

డార్క్ చాక్లెట్ తినడంతో వెన్నునొప్పి నుంచి ఉపశమనం లభిస్తుంది. డార్క్
చాక్లెట్లో ఉన్న కోకో యాంటీ ఇన్ఫ్లమేటరీ లక్షణాలను కలిగి ఉంటుంది.