ఏలూరు నుంచి వారాహి విజయ యాత్ర రెండో దశ ప్రారంభం

గుంటూరు : గత నెల 14న అన్నవరంలో ప్రారంభమై అశేష జనావళి జేజేలు అందుకున్న
వారాహి విజయ యాత్ర రెండో దశ ఏలూరు నుంచి ప్రారంభించడానికి పార్టీ అధ్యక్షులు
పవన్ కళ్యాణ్ సంకల్పించారు. ఆయన గురువారం సాయంత్రం మంగళగిరి పార్టీ
కార్యాలయంలో రెండో దశ యాత్రకు సంబంధించిన ప్రణాళికపై పార్టీ రాజకీయ వ్యవహారాల
చైర్మన్ నాదెండ్ల మనోహర్ తో సుదీర్ఘంగా చర్చించారు. 9వ తేదీ సాయంత్రం5
గంటలకు ఏలూరులో తలపెట్టిన బహిరంగ సభతో యాత్ర ప్రారంభం అవుతుంది. ఏలూరుతోపాటు
దెందులూరు, తాడేపల్లిగూడెం, ఉంగుటూరు, తణుకు నియోజకవర్గాల నాయకులను కలసి
స్థానిక రాజకీయ పరిస్థితులపై మాట్లాడతారు.