కార్డియాక్ అరెస్ట్ తో ప్రముఖ గాయకుడు ఎల్విస్ ప్రెస్లీ కుమార్తె లీసా మేరీ ప్రెస్లీ మృతి

తన ఏకైక కుమార్తె లీసా మేరీ ప్రెస్లీ అకాల మరణంతో తాను “ఛిన్నాభిన్నమయ్యాను”
అని ప్రముఖ గాయకుడు ఎల్విస్ ప్రెస్లీ బాధాతప్త హృదయంతో చెప్పాడు. వారు కలిసి
పంచుకున్న “శాంతియుత సమయాలను” విలువైనవిగా అతను ఎల్లప్పుడూ భావిస్తాడు. లీసా
మేరీ ప్రెస్లీ గురువారం గుండెపోటుకు గురై 54 ఏళ్ల వయసులో కన్నుమూశారు.
ప్రఖ్యాత రాక్ ఎన్ రోల్ సింగర్ అయిన ఎల్విస్ ప్రెస్లీ ఏకైక కుమార్తె లీసా మేరీ
ప్రెస్లీ అమెరికాలోని లాస్ ఏంజెలెస్ లో తుదిశ్వాస విడిచారు. ఈ విషయాన్ని ఆమె
తల్లి ప్రిసిల్లా ప్రెస్లీ ఒక ప్రకటన ద్వారా వెల్లడించారు. తన ప్రియమైన
కుమార్తె అందరినీ వదిలి వెళ్లిందనే విషయాన్ని ఎంతో భారమైన హృదయంతో
ప్రకటిస్తున్నానని ఆమె చెప్పారు.లాస్ ఏంజెలెస్ శివారు ప్రాంతమైన కాలాబాసాస్ లో
ఉన్న తన నివాసంలో ఆమె నిన్న కార్డియాక్ అరెస్ట్ కు గురయ్యారు. వెంటనే ఆమెను
ఆసుపత్రికి తరలించారు. అయినా ప్రయోజనం లేకపోయింది.1968లో లీసా జన్మించారు. ఆమె కూడా తన తండ్రి అడుగుజాడల్లోనే నడిచారు. మ్యూజిక్
నే కెరీర్ గా ఎంచుకున్నారు. మొత్తం మూడు ఆల్బమ్స్ ను రిలీజ్ చేశారు. తన
జీవితంలో ఆమె నలుగురిని పెళ్లాడారు. ప్రఖ్యాత సింగర్ మైఖేల్ జాక్సన్ ను కూడా
ఆమె పెళ్లి చేసుకున్నారు. హాలీవుడ్ స్టార్ నికొలస్ కేజ్, మ్యూజీషియన్ డానీ
కీనో, మైఖేల్ లాక్ వుడ్ లను కూడా ఆమె పెళ్లాడారు. ఆమెకు ముగ్గురు పిల్లలు
ఉన్నారు.మంగళవారం రాత్రి జరిగిన గోల్డెన్ గ్లోబ్స్ అవార్డుల కార్యక్రమంలో కూడా
ఆమె పాల్గొన్నారు. ఎల్విస్ ప్రెస్లీ కథాంశంతో తెరకెక్కిన ఎల్విస్ సినిమాలో
ప్రధాన పాత్రను పోషించిన ఆస్టిన్ బట్లర్ కు బెస్ట్ యాక్టర్ అవార్డు దక్కింది.
ఈ వేడుకలో ఆమె బట్లర్, “ఎల్విస్” దర్శకుడు బాజ్ లుహర్‌మాన్, తన తల్లి
ప్రిస్సిల్లా ప్రెస్లీతో కలిసి ఆమె బహిరంగంగా కనిపించింది. ఇది జరిగి కొన్ని
గంటలు కూడా గడవక ముందే ఆమె కన్నుమూయడం సంగీత ప్రపంచాన్ని ఆవేదనకు గురి
చేస్తోంది.