హైదరాబాద్ : తెలంగాణ వ్యవసాయ, మార్కెటింగ్, సహకార, చేనేత, జౌళి శాఖ మంత్రి తుమ్మల నాగేశ్వరరావు గురువారం కిసాన్ ఫోరమ్ ప్రైవేట్ లిమిటెడ్, పూణే ఆద్వర్యంలో 2వ సారి హైదరాబాద్ హైటెక్స్ లో నిర్వహించబడిన కిసాన్ అగ్రి షో ను ప్రారంభించారు. కిసాన్ ఫోరం వారి ఆద్వర్యంలో నిరావహించబడుతున్న ఈ ప్రదర్శన వ్యవసాయ పరికరాలు, విత్తనాలు, మరియు ఆర్గానిక్ సేంద్రీయ వ్యవసాయ ఉత్పాదకాలు మిషనరీ అన్నీ ప్రదర్శనలో ఉంచబడినవి కావున రైతులందరు ఈ ప్రదర్శనని ఉపయోగించుకోవాలని, మనకి తెలియని విషయాలు నూతన పద్దతులు అవలబిoచి పంటలు పండిస్తే దిగుబడులు తద్వారా ఎగుమతులు భాగా జరిగే అవకాశం ఉందని తెలిపారు. వ్యవసాయ, ఉద్యాన రంగంలో వస్తున్న నూతన సాంకేతిక పద్దతులపై రైతులకు అవగాహనకోసం ఇక్కడ దాదాపు 120 ప్రవేట్ స్టాల్స్, ప్రభుత్వరంగ సంస్థలు, వివిధ శాఖలు కూడా 10 వరకు ప్రదర్శనలు ఏర్పాటు చేయడం ప్రశంసనీయం అని మంత్రి పేర్కొన్నారు. రైతులు అందరూ కూడా ఈ ఎగ్జిబిషను సద్వినియోగం చేసుకోవాల్సిందిగా సూచించారు.
