రిటైరై మూడేళ్లయినా మహేంద్ర సింగ్ ధోని క్రేజ్ మాత్రం తగ్గలేదు. బెస్ట్
క్రికెటర్లలో ఒకరైన ధోని ఇండియన్ ప్రీమియర్ లీగ్‌లో క్రియాశీల క్రికెటర్‌గా
కొనసాగుతున్నాడు. గేమ్‌లోని కొందరు స్టార్లు.. క్రిస్ గేల్, అనిల్ కుంబ్లే,
రాబిన్ ఉతప్ప, స్కాట్ స్టైరిస్ తదితరులు ఒక రాపిడ్-ఫైర్ ఇంటర్వ్యూలో కలిసి
టీ20 లీగ్ చరిత్రలో ‘అత్యంత నిస్వార్థ ఆటగాడు’ని ఎంచుకున్నారు. వారంతా తమ
ఎంపికను గురించి వివరించారు. వారందరిలో స్పష్టమైన విజేతగా లెజెండరీ ఎంఎస్ ధోనీ
నిలబడ్డాడు.
జియో సినిమాపై జరుగుతున్న ర్యాపిడ్-ఫైర్ రౌండ్‌లో మాజీ ఐపీఎల్ ఆటగాళ్లు
రకరకాల ప్రశ్నలు సంధించారు. కొంతమందికి ప్రాధాన్యతనిచ్చే ‘అత్యంత స్టైలిష్
ప్లేయర్’ ఎంపిక గురించి కేఎల్ రాహుల్ వారిని అడిగారు. ఇక ధోని
విషయానికొస్తే.. ఐపీఎల్ 2023 సీజన్‌కు కొన్ని నెలల సమయం ఉండగానే ధోని ఇప్పటికే
కొత్త సీజన్ కోసం ప్రాక్టీస్ చేయడం ప్రారంభించాడు. ఈ క్రికెటర్ నెట్స్‌లో
కొన్ని శిక్షణా సెషన్లలో బిజీగా ఉండటం విశేషం.
ఇదిలా ఉండగా న్యూజిలాండ్‌తో జరిగిన తొలి టీ20కి ముందు ధోనీ ఇటీవల భారత
క్రికెట్ జట్టు సభ్యులతో సమావేశమయ్యాడు. అతను శుభ్‌మన్ గిల్, యుజ్వేంద్ర
చాహల్, సహాయక సిబ్బందితో సంభాషించడం కనిపించింది. హార్దిక్ పాండ్యా కూడా
వెటరన్ వికెట్ కీపర్, బ్యాటర్‌తో మాట్లాడే అవకాశాన్ని పొందాడు.
