దనుష్ తో జోడీ కట్టనున్న రష్మిక మందన్న…

ధనుష్ కథానాయకుడిగా శేఖర్ కమ్ముల దర్శ కత్వంలో ఓ పాన్ ఇండియా చిత్రం
తెరకెక్కబోతున్న విషయం తెలిసిందే. శ్రీవెంకటేశ్వర సినిమాస్, అమిగోస్
క్రియేషన్స్ పతాకాలపై సునీల్ నారంగ్, పుస్కూర్ రామ్మోహన్ రావు ఈ చిత్రాన్ని
నిర్మిస్తున్నారు. పాన్ ఇండియా స్థాయిలో ఈ చిత్రం తెరకెక్కనుంది. సమాజంలోని
ఆర్థిక అసమానతలను చర్చిస్తూ సందేశాత్మక ఇతివృత్తంతో దర్శకుడు శేఖర్ కమ్ముల
స్క్రిప్ట్ ను సిద్ధం చేశారు. ఈ సినిమాలో కథానాయికగా రష్మిక మందన్నను ఖరారు
చేశారు. ఈ విషయాన్ని సోమవారం చిత్రబృందం అధికారికంగా ప్రకటించింది. ధనుష్
సరసన రష్మిక మందన్న నటించబోతున్న తొలి చిత్రమిదే కావడం విశేషం. ఈ సినిమాలో
భాగం కావడం చాలా ఆనందంగా ఉందని రష్మిక మందన్న పేర్కొంది. ఈ చిత్రానికి
సంబంధించిన నటీనటుల వివరాలను త్వరలో వెల్లడించనున్నారు.