ద్విపాత్రాభినయం లో ప్రభాస్..?

ప్రభాస్ – ప్రశాంత్ నీల్ కాంబినేషన్ లో రూపుదిద్దుకొంటున్న చిత్రం ‘సలార్’.
శ్రుతిహాసన్ కథానాయిక. సెప్టెంబరు 28న ఈ చిత్రాన్ని విడుదల చేయనున్నారు. వచ్చే
నెల 7న ట్రైలర్ విడుదల చేస్తారని సమాచారం. షూటింగ్ పూర్తయింది. నిర్మాణానంతర
కార్యక్రమాలు తుది దశకు చేరుకొన్నాయి. ఈ చిత్రాన్ని రెండు భాగాలుగా
రూపొందిస్తారని తెలుస్తోంది. అయితే ఈ విషయం పై చిత్రబృందం ఎలాంటి ప్రకటన
చేయలేదు. ట్రైలర్ లో ఈ విషయంపై ఓ స్పష్టత వచ్చే అవకాశాలు ఉన్నాయి. యాక్షన్
సన్నివేశాలకు పెద్దపీట వేశారని, దాదాపు 70 శాతం బడ్జెట్ వాటికే కేటాయించారని
ప్రచారం జరుగుతోంది. అంతే కాదు ప్రభాస్, ఇందులో ద్విపాత్రాభినయం చేశారని, ఓ
యాక్షన్ సన్నివేశంలో ఇద్దరు ప్రభాస్ లూ ఒకేసారి ప్రత్యక్షం అవుతారని గుసగుసలు
వినిపిస్తున్నాయి. దాంతో ‘సలార్’ పై మరింత అంచనాలు పెరిగుతున్నాయి.