ప్రధాని నరేంద్ర మోడీ , కేంద్ర హోంమంత్రి అమిత్‌ షాలను కలిసే ఛాన్స్‌
అమరావతి : ముఖ్యమంత్రి వైఎస్‌ జగన్‌మోహన్‌రెడ్డి బుధవారం ఢిల్లీ
వెళ్లనున్నారు. ఉదయం 9 గంటలకు తాడేపల్లిలోని తన నివాసం నుంచి బయలుదేరి 9.30కు
గన్నవరం ఎయిర్‌పోర్టు నుంచి ఢిల్లీకి వెళ్తారు. మధ్యాహ్నం ఒంటి గంట సమయంలో
ఢిల్లీలోని జనపథ్‌–1 నివాసానికి చేరుకుంటారు. ఈ పర్యటనలో సీఎం జగన్‌ ప్రధాని
నరేంద్ర మోదీ, కేంద్ర హోంమంత్రి అమిత్‌ షాలతోపాటు పలువురు కేంద్ర మంత్రులను
కలిసే అవకాశం ఉంది. రాష్ట్రానికి సంబంధించి పలు అంశాలపై ఆయన వారితో
చర్చిస్తారు.
