వీడియో కాన్ఫరెన్స్ ద్వారా ప్రశాంతి నిలయంలోని సాయి హీరా గ్లోబల్ కన్వెన్షన్
సెంటర్ బటన్ నొక్కి ప్రారంభించిన భారతదేశ ప్రధాన మంత్రి నరేంద్ర మోడీ
పుట్టపర్తి (శ్రీ సత్యసాయి జిల్లా) : న్యూఢిల్లీ నుంచి మంగళవారం పుట్టపర్తి
ప్రశాంతి నిలయంలోని సాయి హీరా గ్లోబల్ కన్వెన్షన్ సెంటర్ ను వర్చువల్ వీడియో
కాన్ఫరెన్స్ ద్వారా బటన్ నొక్కి భారతదేశ ప్రధాన మంత్రి నరేంద్ర మోడీ
ప్రారంభించారు. పుట్టపర్తి ప్రశాంతి నిలయంలోని సాయి హీరా గ్లోబల్ కన్వెన్షన్
సెంటర్ నుంచి ఈ కార్యక్రమంలో రాష్ట్ర గవర్నర్ ఎస్.అబ్దుల్ నజీర్ పాల్గొన్నారు.
ఈ కార్యక్రమంలో శ్రీ సత్యసాయి సెంట్రల్ ట్రస్ట్ మేనేజింగ్ ట్రస్టీ
ఆర్.జె.రత్నాకర్, శ్రీ సత్యసాయి ఇన్స్టిట్యూట్ ఆఫ్ హైయర్ లర్నింగ్ ఛాన్స్లర్
కే. చక్రవర్తి, శ్రీ సత్యసాయి సెంట్రల్ ట్రస్ట్ మేనేజింగ్ ట్రస్టీలు రహైకో
హిర, ఎస్ఎస్. నాగానంద్ వి.మోహన్, శ్రీ సత్య సాయి సేవ ఆర్గనైజేషన్స్ ఆల్ ఇండియా
ప్రెసిడెంట్ నిమిష్ పాండ్యా, తదితరులు పాల్గొన్నారు. అనంతరం సాయిరాం అంటూ
ప్రధానమంత్రి నరేంద్ర మోడీ తన ప్రసంగాన్ని కొనసాగించారు. ఏ ఆలోచన అయినా మానవతా
విలువలతో కూడిన కార్యాచరణ సాగించినప్పుడు అత్యంత ప్రభావితంగా ఉంటుందని ప్రధాన
మంత్రి అన్నారు. సత్యసాయిబాబా మానవాళికి ఎన్నో సేవా కార్యక్రమాలు అందించారని,
ఆయన చూపిన మార్గం సత్యధర్మ, శాంతి, అహింసలతో, మానవతా విలువలతో తన సందేశాల
ద్వారా ఎంతోమందికి స్ఫూర్తిదాయకమయ్యారన్నారు
ఈరోజు సాయి హీరా గ్లోబల్ కన్వెన్షన్ సెంటర్ అంకితం కాకుండా, శ్రీ సత్యసాయి
గ్లోబల్ కౌన్సిల్ లీడర్స్ కాన్ఫరెన్స్ కూడా జరుగుతుందని ఆయన పేర్కొన్నారు. ఈ
కార్య‌క్ర‌మం యొక్క ఇతివృత్తం – ‘ఆచ‌ర‌ణ ప్రేరేప‌ణ’ను ప్రధాన మంత్రి
ప్ర‌శంసించారు. ఇది ప్రభావవంతంగా సంబంధితంగా పేర్కొన్నారు. సమాజం వారిని
అనుసరిస్తున్నందున సమాజ నాయకులు మంచి ప్రవర్తన యొక్క ప్రాముఖ్యతను నరేంద్ర
మోడీ నొక్కి చెప్పారు. అందుకు శ్రీ సత్యసాయి జీవితమే ప్రత్యక్ష ఉదాహరణ అని
అన్నారు. “ఈ రోజు భారతదేశం కూడా తన విధులకు ప్రాధాన్యతనిస్తూ కదులుతోంది.
స్వాతంత్య్ర శతాబ్ది దిశగా పయనిస్తూ అమృత్‌కాల్‌కి ‘కర్తవ్య కాల’ అని పేరు
పెట్టాం. ఈ ప్రతిజ్ఞలలో మన ఆధ్యాత్మిక విలువల మార్గదర్శకత్వం అలాగే భవిష్యత్తు
కోసం తీర్మానాలు ఉంటాయి. దీనికి వికాస్ (అభివృద్ధి) అలాగే విరాసత్ (వారసత్వం)
రెండూ ఉన్నాయి. అయితే ఆధ్యాత్మిక ప్రాముఖ్యత కలిగిన ప్రదేశాలకు పునర్వైభవం
ఉందని, భారతదేశం కూడా సాంకేతికత మరియు ఆర్థిక వ్యవస్థలో అగ్రగామిగా ఉందన్నారు.
ప్రపంచంలో మూడవ అతిపెద్ద స్టార్టప్ ఎకోసిస్టమ్‌కు మద్దతునిచ్చే ప్రపంచంలోని
టాప్ 5 ఆర్థిక వ్యవస్థలలో భారతదేశం ఇప్పుడు ఒకటిగా మారిందని ప్రధాన మంత్రి
నొక్కిచెప్పారు. డిజిటల్ టెక్నాలజీ, 5జీ వంటి రంగాల్లో ప్రపంచంలోని అగ్రగామి
దేశాలతో భారత్ పోటీ పడుతోందని ఆయన పేర్కొన్నారు. ప్రపంచంలో జరుగుతున్న రియల్
టైమ్ ఆన్‌లైన్ లావాదేవీలలో 40 శాతం భారతదేశంలోనే జరుగుతున్నాయని, పుట్టపర్తి
జిల్లా మొత్తాన్ని డిజిటల్ ఎకానమీ దిశగా మార్చాలని భక్తులను ప్రధాని కోరారు. ఈ
తీర్మానాన్ని నెరవేర్చేందుకు అందరూ కలసి వస్తే వచ్చే శ్రీ సత్యసాయిబాబా జయంతి
నాటికి జిల్లా మొత్తాన్ని డిజిటల్‌గా మారుస్తామని ఆయన సూచించారు.
శ్రీ సత్యసాయిబాబా మహాసమాధిని సందర్శించి నివాళులు అర్పించిన రాష్ట్ర గవర్నర్
అంతకుముందు రాష్ట్ర గవర్నర్ ప్రశాంతి నిలయంలోని భగవాన్ శ్రీ సత్యసాయిబాబా
మహాసమాధిని సందర్శించి నివాళులు అర్పించారు. అంతకుముందు ప్రశాంతి నిలయంలో ఉన్న
శాంతిభవన్లో రాష్ట్ర గవర్నర్ ని జిల్లా కలెక్టర్, జాయింట్ కలెక్టర్
టీఎస్.చేతన్ లు మర్యాదపూర్వకంగా కలిసి శాలువాతో సత్కరించి నంది విగ్రహాన్ని
అందజేశారు. ప్రశాంతి నిలయంలో మర్యాదపూర్వకంగా పోలీసుల వందనం గవర్నర్
స్వీకరించారు అనంతరం రోడ్డు మార్గం ద్వారా బెంగళూరుకు బయలుదేరి వెళ్లారు.
