మీతో సినిమా ఓ…అద్భుతం నాన్న..!

విష్ణు విశాల్, విక్రాంత్ హీరోలుగా నటిస్తున్న చిత్రం ‘లాల్ సలాం’. ఐశ్వర్య
రజనీకాంత్ దర్శకురాలు. లైకా ప్రొడక్షన్స్ పతాకంపై నిర్మాణం జరుపుకుంటున్న ఈ
చిత్రంలో సూపర్ స్టార్ రజనీకాంత్ మెయిద్దీన్ భాయ్ పవర్ ఫుల్ పాత్రలో
కనిపించబోతున్నాడు. ఆయన పాత్రకు సంబంధించిన చిత్రీకరణను ఇటీవల పూర్తిచేశారు. ఈ
న్యూస్ ని దర్శకురాలు ఐశ్వర్య రజనీకాంత్ తన సోషల్ మీడియా ద్వారా తెలియజేశారు.
“మీతో సినిమా చేయడం ఓ అద్భుతం.. నాన్నా.. మీరు ఎప్పుడూ నటనతో మ్యాజిక్
చేస్తుంటారు. ‘లాల్ సలాం’లో మెయిద్దీన్ పాత్రకు సంబంధించిన ‘షూటింగ్ పూర్తి’
అని ఆమె పేర్కొన్నారు. రజ నీకాంత్ సహా యూనిట్ మొత్తం కలిసి దిగిన ఫొటోను ఆమె
ఈ సందర్భంగా షేర్ చేశారు. ఈ చిత్రానికి సంగీతం: ఎ.ఆర్.రెహమాన్, సమర్పణ:
సుభాస్కరన్.