మొదటి ప్రాధాన్యత ఓటుతో ఆశీర్వదించండి

గోరంట్ల : వైస్సార్సీపీ పట్టభద్రుల, ఉపాధ్యాయ ఎమ్మెల్సీ
అభ్యర్ధులను మీ అమూల్యమైన మొదటి ప్రాధాన్యత ఓటుతో ఆశీర్వదించాలని మాజీ
మంత్రి, శ్రీ సత్యసాయి జిల్లా వై.యస్.ఆర్ కాంగ్రెస్ పార్టీ అధ్యక్షులు,
పెనుకొండ నియోజకవర్గ శాసనసభ్యులు మాలగుండ్ల శంకర నారాయణ కోరారు. సోమవారం
గోరంట్ల మండలం లో ఈ నెల 13వ తేదీ జరుగు పట్టభద్రుల , ఉపాధ్యాయ ఎమ్మెల్సీ
ఎన్నికల ప్రచారంలో భాగంగా ప్రభుత్వ కార్యాలయాలు, ప్రభుత్వ ఆసుపత్రి,
సచివాలయాలు, ప్రభుత్వ పాఠశాలలో ప్రచార కార్యక్రమం నిర్వహించి ముఖ్యమంత్రి
వై.యస్.జగన్మోహన్ రెడ్డి ఆశీస్సులతో పోటీచేయుచున్న పశ్చిమ రాయలసీమ
పట్టభద్రుల నియోజకవర్గ వై.యస్.ఆర్ కాంగ్రెస్ పార్టీ ఎమ్మెల్సీ అభ్యర్ధి
వెన్నపూస రవీంద్రారెడ్డి కి, ఉపాధ్యాయ ఎమ్మెల్సీ అభ్యర్ధి యం.వి.
రామచంద్రారెడ్డి కి మీ అమూల్యమైన మొదటి ప్రాధాన్యత ఓటు వేసి వేయించి అఖండమైన
మెజారిటీతో గెలిపించాలని కోరారు. ఈ కార్యక్రమంలో గోరంట్ల పట్టణ ,మండల ప్రజా
ప్రతినిధులు, ముఖ్య నాయకులు పాల్గొన్నారు.