రాత్రిపూట వీటిని అస్సలు తినకండి..

చాలా మంది డిన్నర్ అంటే విందులా ఫీల్ అవుతారు. చికెన్, మటన్, బిర్యాని అంటూ
ఇష్టం వచ్చిన పదార్థాలు తింటారు. అయితే రాత్రిపూట తినేటప్పుడు అనేక జాగ్రత్తలు
తీసుకోవాలి. రాత్రిపూట తినకూడని పదార్ధాలను ఇప్పుడు చూద్దాం..

1.కాఫీ:

రాత్రిపూట కెఫిన్ కంటెంట్ ఉన్న టీ, కాఫీలకు దూరంగా ఉండాలి. అదే సమయంలో కూల్
డ్రింక్స్, ఐస్ క్రీమ్ వంటివి దూరం పెట్టాలి. వీటిని రాత్రిపూట తింటే నిద్ర
సరిగా రాదు. వీటిని తినడంతో ఎసిడిటీ సమస్యలు పెరుగుతాయి.

2.స్వీట్స్:

రాత్రి నిద్రపోయే ముందు స్వీట్స్ అస్సలు తినొద్దు. స్వీట్స్ రక్తంలో చక్కెర
స్థాయిలను పెంచుతాయి. వీటిని తినడంతో రాత్రిపూట నిద్రకు భంగం కలుగుతుంది.

3.వంకాయ:

రాత్రిపూట ఆహారంలో టైరమైన్ రిచ్ ఫుడ్స్ లేకుండా చూసుకోవాలి. టైరమైన్ కంటెంట్
నిద్రకు భంగం కలిగిస్తుంది. ముఖ్యంగా టమాటా, వంకాయ తినడంతో మెదడు యాక్టివ్
అవుతుంది. నిద్ర సరిగా రాదు.

3.స్పైసీ ఫుడ్:

రాత్రి నిద్రపోయే ముందు స్పైసీ ఫుడ్ కు దూరంగా ఉండాలి. స్పైసీ ఫుడ్ కడుపులో
యాసిడ్ స్థాయిలను పెంచుతుంది. దీంతో నిద్రకు భంగం కలుగుతుంది. ఎసిడిటీ సమస్యలు
పెరుగుతాయి.

4.సిట్రస్ జ్యూస్:

రాత్రి నిద్రపోయే ముందు సిట్రస్ జ్యూస్ తాగకూడదు. పచ్చి ఉల్లిపాయలు, టామాటా
సాస్ తినకూడదు. ఇవి కడుపులో యాసిడ్ స్థాయిలను వేగంగా పెంచుతాయి. దీంతో నిద్ర
సరిగా రాదు.

5.పుచ్చకాయ:

రాత్రిపూట నీటి శాతం అధికంగా ఉన్న ఆహారాలకు దూరంగా ఉండాలి. నీరు అధికంగా ఉన్న
పదార్దాలు తినడంతో మూత్ర విసర్జణ కోసం మేల్కోవాల్సి వస్తుంది. ముఖ్యంగా
పుచ్చకాయ, కీరాకు దూరంగా ఉండాలి.

6.అతిగా తినకండి:

రాత్రి పూట అతిగా ఆహారం అస్సలు తినకూడదు. ముఖ్యంగా రాత్రి భోజనంలో కొవ్వు,
నూనె పదార్థాలు ఉండకూడదు. ఇవి జీర్ణం అయ్యేందుకు చాలా టైం పడుతుంది. దీంతో
నిద్రకు భంగం కలుగుతుంది.