క్రికెట్ నుండి రిటైర్మెంట్ తర్వాత తాను కొకైన్ వ్యసనాన్ని పెంచుకున్నానని, అయితే 2009లో తన మొదటి భార్య మరణంతో విడిచిపెట్టానని పాకిస్థాన్ పేస్ గ్రేట్ వసీం అక్రమ్ వెల్లడించాడు. 56 ఏళ్ల వసీం అక్రం తను రాబోయే ఆత్మకథ ‘సుల్తాన్: ఎ మెమోయిర్’లో కొకైన్ వ్యసనంపై ప్రస్తావించారు. టెస్ట్, వన్డే క్రికెట్‌లో పాకిస్తాన్ ప్రముఖ వికెట్ టేకర్ గా పేరున్న అక్రం పలు ఆసక్తికర విషయాలను తన ఆత్మకథలో తెలిపాడు. తన మొదటి భార్య హుమా నుండి దూరంగా ప్రయాణిస్తున్నప్పుడు “పోటీ యొక్క ఆడ్రినలిన్ రష్‌కి ప్రత్యామ్నాయం” కావాలని కోరుకోవడం ప్రారంభించాడని చెప్పాడు. “దక్షిణాసియాలో కీర్తి సంస్కృతి అంతా తినేస్తుంది, సమ్మోహనపరుస్తుంది, అవినీతిపరుస్తుంది. మీరు రాత్రికి 10 పార్టీలకు వెళ్లవచ్చు, మరికొందరు అలా చేయవచ్చు. అది నాపై ప్రభావం చూపింది” అని అక్రమ్ టైమ్స్‌తో అన్నారు.
