విటమిన్ బి6 అధికంగా ఉండే ఆహార పదార్థాలు ఇవే..!

మెదడు ఆరోగ్యాన్ని కాపాడటానికి, డిప్రెషన్ లక్షణాలను తగ్గించడానికి, వికారం,
కంటి ఆరోగ్యాన్ని కాపాడటానికి, హీమోగ్లోబిన్ స్థాయిలను తగ్గించి రక్తహీనతకు
చెక్ పెట్టడానికి విటమిన్ బి6 చాలా అవసరం. మరి ఇలాంటి విటమిన్ బి6 ఎక్కువగా
లభించే ఆహారాలేంటో చూద్దామా..

1.పాలకూర:

పాలకూరలో విటమిన్ బి6 ఎక్కువగా ఉంటుంది. ఈ ఆకుకూరను తినడం ద్వారా రోగనిరోధక
శక్తి పెరగడంతో పాటు హైడ్రేట్ గా ఉండొచ్చు. అలాగే కంటి ఆరోగ్యాన్ని
కాపాడుకోవచ్చు.

2.చేపలు:

మాంసాహారులకు విటమిన్ బి6 ఎక్కువగా లభించే ఆహారంగా చేపలను చెప్పవచ్చు. వీటిని
తినడం ద్వారా మెదడు ఆరోగ్యాన్ని కాపాడుకోవడమే కాకుండా ఆస్తమా తగ్గించుకోవచ్చు.

3.బంగాళదుంపలు:

బంగాళదుంపల్లోనూ విటమిన్ బి6 అధికంగా ఉంటుంది. వీటిని తినడం ద్వారా జీర్ణక్రియ
మెరుగుపడటంతో పాటు ఆరోగ్యంగా ఉండొచ్చు.

4.కోడిగుడ్లు:

కోడిగుడ్లలో ప్రోటీన్స్, కొవ్వులు, విటమిన్ డి, ఫోలేట్, ఒమెగా-3 ఫ్యాటీ
యాసిడ్స్, సెలీనియంతో పాటు విటమిన్ బి6 అధికంగా ఉంటుంది. అందుకే ఎగ్స్ సూపర్
ఫుడ్ గా చెప్తారు.

5.అవకాడో:

అనేక పోషకాలు, మంచి కొవ్వులు కలిగిన పండు అవకాడో. ఈ పండ్లలో పొటాషియంతో పాటు
విటమిన్ బి6 అధికంగా ఉంటుంది. ఇవి ఆర్థరైటిస్ ను నివారించడంతో పాట గుండె
ఆరోగ్యాన్ని కాపాడతాయి.

6.మాంసం:

ఉడికించిన మాంసంలోనూ విటమిన్ బి6 అధికంగా ఉంటుంది. అలాగే వీటిలో ప్రోటీన్స్
కూడా ఎక్కువే. అయితే ఈ మాంసాన్ని మితంగా తీసుకోవడం మంచిది.

7.అరటి:

అరటి పండ్లలోనూ విటమిన్ బి6 ఉంటుంది. ఇవి జీర్ణక్రియకు తోడ్పడటంతో పాటు
మూత్రపిండాల పనితీరును మెరుగుపరుస్తాయి. గుండె ఆరోగ్యాన్ని కాపాడతాయి.

8.పాలు:

ఆవు, మేక పాలలో శరీరానికి కావాల్సిన విటమిన్ బి6 లభిస్తుంది. ఈ పాలు తాగడం
వల్ల మెదడు పనితీరు మెరుగుపడటంతో పాటు నాడీ వ్యవస్థలోని సమస్యలు తగ్గుతాయి.