షూటింగ్ పూర్తి చేసుకున్న అర్జున్:

వరుణ్ తేజ్ నటించిన యాక్షన్ చిత్రం ‘గాంఢీ వధారి అర్జున’. వరుణ్ తేజ్ హీరోగా
ప్రవీణ్ సత్తారు దర్శకత్వంలో రూపొందిన చిత్రం ఇది. సాక్షీ వైద్య కధానాయిక.
బీవీఎస్ఎన్ ప్రసాద్, బాపినీడు నిర్మించిన ఈ చిత్రం ఆగస్టు 25న విడుదల కానుంది.
తాజాగా ఈ సినిమా షూటింగ్ పూర్తయింది. ఈ సందర్భంగా ఈ సినిమాలోని వరుణ్ తేజ్
కొత్త పోస్టర్ ని విడుదల చేశారు చిత్ర యూనిట్. ఈ చిత్రంలో అర్జున్ పాత్రలో
వరుణ్ తేజ్ కనిపించనున్నట్లు తెలుస్తోంది. ఈ చిత్రంలో వరుణ్ తేజ్ సెక్యూరిటీ
ఆఫీసర్ గా ఫుల్ యాక్షన్ మోడ్ లో కనిపిస్తారు. అత్యంత ప్రమాదకరమైన పరిస్థితుల
నుంచి ప్రజలను అతను ఏ విధంగా కాపాడాడు? అందుకు అర్జున్ వ్యూహాలేంటి? అనేది ఈ
సినిమాలో ఆసక్తికరమైన అంశం అని చిత్ర బృందం పేర్కొంది. ఈ చిత్రానికి సంగీతం:
మిక్కీ జే మేయర్.