సీఎం వైఎస్‌ జగన్‌ వైఎస్‌ఆర్‌ జిల్లా పర్యటన

అమరావతి : సీఎం వైఎస్‌ జగన్‌ మోహన్ రెడ్డి బుధవారం వైఎస్‌ఆర్‌ జిల్లాలో
పర్యటించనున్నారు. జమ్ములమడుగు, పులివెందుల నియోజకవర్గాల్లో పర్యటన ఉంటుంది.
సున్నపురాళ్ళ పల్లెలో జేఎస్‌డబ్యు స్టీల్‌ప్లాంటుకు భూమిపూజ, పులివెందులలో
వివాహ రిసెప్షన్‌ వేడుకకు హాజరవుతారు. ఉదయం 9 గంటలకు తాడేపల్లి నివాసం నుంచి
బయలుదేరి 10.50 గంటలకు జమ్ములమడుగు మండలం సున్నపురాళ్ళపల్లె చేరుకుంటారు.
11.10 – 11.30 జేఎస్‌డబ్యు స్టీల్‌ప్లాంటుకు సంబంధించి భూమిపూజ, శిలాఫలకాలు
ఆవిష్కరణ కార్యక్రమం, 11.45 – 12.45 స్టీల్‌ ప్లాంటు మౌలిక సదుపాయాలపై
సమావేశం, అనంతరం 1.20 గంటలకు అక్కడినుంచి బయలుదేరి 1.40 కి పులివెందుల
చేరుకుంటారు. 2.00 – 2.15 పులివెందుల ఎస్‌సీఎస్‌ఆర్‌ ఫంక్షన్‌ హాల్‌లో మూలి
బలరామిరెడ్డి కుమారుని వివాహ రిసెప్షన్‌ వేడుకలో పాల్గొని నూతన వధూవరులను
ఆశీర్వదిస్తారు. 2.40 గంటలకు పులివెందుల నుంచి బయలుదేరి సాయంత్రం 4.30 గంటలకు
తాడేపల్లి నివాసానికి చేరుకుంటారు.