రాఫెల్ నాదల్ రికార్డును సమం చేసి టాప్ ర్యాంక్‌లోకి నివాక్ జకోవిచ్..

ఆస్ట్రేలియన్ ఓపెన్ గ్రాండ్ స్లామ్ గెలిచిన తర్వాత రాఫెల్ నాదల్ రికార్డును
నొవాక్ జకోవిచ్‌ సమం చేశాడు. ఈ విజయం చరిత్రలో తనదైన స్థానాన్ని కలిగి ఉండేలా
చేసింది. సెర్బ్ 6-3, 7-6(4), 7-6(5)తో స్టెఫానోస్ సిట్సిపాస్‌ను ఓడించి
రికార్డు స్థాయిలో 10వ ఆస్ట్రేలియన్ ఓపెన్ టైటిల్‌ను కైవసం చేసుకున్నాడు. ఇదే
క్రమంలో రాఫెల్ నాదల్ 22 గ్రాండ్ స్లామ్ సిరీస్ ల రికార్డును కూడా సమం
చేశాడు. ఈ విజయంతో నొవాక్ జకోవిచ్ గత ఏడాది జూన్ తర్వాత మొదటిసారిగా ప్రపంచ
నెంబర్ వన్ స్థానాన్ని తిరిగి కైవసం చేసుకున్నాడు. “పరిస్థితులను పరిగణనలోకి
తీసుకుంటే, ఇది చాలా కష్టతరమైన టోర్నమెంట్‌లలో ఒకటి. గత సంవత్సరం ఆడలేదు. ఈ
సంవత్సరం తిరిగి రావడం.. నాకు సంతోషం కలిగించిన వారందరికీ ధన్యవాదాలు
చెప్పాలనుకుంటున్నాను. నేను ఇక్కడ ఉత్తమ టెన్నిస్ ఆడటానికి కారణం ఉంది.
జట్టుకు, కుటుంబ సభ్యులకు మాత్రమే మేం ఎలాంటి కష్టాలు పడ్డామో తెలుసు..
పరిస్థితులను దృష్టిలో ఉంచుకుని ఇదే నా జీవితంలో అతిపెద్ద విజయంగా చెబుతాను’
అని విజయానంతరం జకోవిచ్ చెప్పడం విశేషం.