ఉక్రెయిన్‌లో రష్యా యుద్ధం కొనసాగుతున్నప్పటికీ అమెరికాకు చైనా ఒక “పేసింగ్ ఛాలెంజ్” అని పెంటగాన్ గురువారం తన తాజా జాతీయ రక్షణ వ్యూహంలో పేర్కొంది. చైనా దూకుడును అరికట్టడానికి, అందుకు తగ్గట్టు తన సామర్థ్యాన్ని పెంపొందించడానికి భారతదేశంతో దాని ప్రధాన రక్షణ భాగస్వామ్యాన్ని ముందుకు తీసుకువెళుతుందని పేర్కొంది. “పిఆర్‌సి (పీపుల్స్ రిపబ్లిక్ ఆఫ్ చైనా) దూకుడును అరికట్టడానికి, హిందూ మహాసముద్ర ప్రాంతానికి ఉచిత, బహిరంగ ప్రాప్యతను నిర్ధారించే సామర్థ్యాన్ని పెంపొందించడానికి (డిపార్ట్‌మెంట్) భారతదేశంతో మా ప్రధాన రక్షణ భాగస్వామ్యాన్ని ముందుకు తీసుకువెళతాం” అని అమెరికా విడుదల చేసిన ఓ నోట్ లో పేర్కొంది. ఈ అంశంపై అమెరికా రక్షణ మంత్రి లాయిడ్ ఆస్టిన్ కూడా స్పందించారు. చైనా నుంచి ఎదురవుతున్న సవాళ్లను ఎదుర్కోవటానికి వ్యూహాలను సిద్ధం చేశామన్నారు. ప్రపంచ మిత్రదేశాల సామర్థ్యాలను పరిగణనలోకి తీసుకుని ముందుకు వెళ్తామన్నారు.
