మూత్ర పరీక్ష ద్వారా క్యాన్సర్‌ను గుర్తించవచ్చు

మూత్రంలో జన్యుపరమైన మార్పులను పరీక్షించడం ద్వారా మూత్రాశయ క్యాన్సర్‌ను
గుర్తించ వచ్చని ఇటీవలి అధ్యయనాలు తెలుపుతున్నాయి. ఫ్రాన్స్, ఇరాన్ మరియు
యునైటెడ్ స్టేట్స్ కు చెందిన పరిశోధకులు 10 జన్యువులలో అసాధారణతలను
కనుగొన్నారు, ఇవి రోగ నిర్ధారణకు 12 సంవత్సరాల ముందు వరకు అత్యంత ప్రబలమైన
మూత్రాశయ క్యాన్సర్‌ను అంచనా వేయవచ్చు…మిలన్‌లోని యూరోపియన్ అసోసియేషన్ ఆఫ్ యూరాలజీ వార్షిక కాంగ్రెస్‌లో ఈ
ఫలితాలు ప్రచురితమయ్యాయి. మూత్రాశయ క్యాన్సర్ అరుదైన వ్యాధి కాదు . ఇది UKలో
అత్యంత సాధారణమైన మొదటి పది క్యాన్సర్‌లలో ఒకటి. అలాగే యూరోపియన్
యూనియన్‌లో ఐదవ అత్యంత సాధారణమైనది, ప్రతి సంవత్సరం EUలో 200,000 కేసులు
నమోదవుతున్నాయి. ఈ వ్యాధితో బాధపడుతున్న వారిలో సగం మంది మాత్రమే ఐదు
సంవత్సరాల కంటే ఎక్కువ కాలం జీవించగలరని చెబుతున్నారు, ప్రధానంగా వ్యాధిని
ఆలస్యంగా గుర్తించడం వల్ల ప్రమాదమేనని నిపుణులు చెబుతున్నారు. వారి క్యాన్సర్
ను ప్రారంభ దశలో గుర్తించబడితే, 80% కంటే ఎక్కువ మంది రోగులు కనీసం ఐదు
సంవత్సరాలు జీవించి ఉంటారని చెబుతున్నారు.నిజానికి మూత్రాశయ క్యాన్సర్ నిర్ధారణ అనేది సిస్టోస్కోపీ వంటి ఖరీదైన .,
ఇన్వాసివ్ విధానాలపై ఆధారపడి ఉంటుందని పరిశోధకులు అంటున్నారు . ఇందులో
మూత్రాశయంలోకి కెమెరాను చొప్పించడం జరుగుతుంది. ఇది చాలా వరకూ ఇబ్బందికరమైన
విధానం కాబట్టి అలా కాకుండా ఒక సరళమైన మూత్రపరీక్షను చేయడం వల్ల క్యాన్సర్
వచ్చే అవకాశాలను సంవత్సరాల ముందుగానే నిర్ధారించడానికి వీలవుతుంది. ఇది
ప్రారంభ దశలో మరిన్ని క్యాన్సర్‌లను గుర్తించడంలో సహాయపడుతుందని, ఆరోగ్యకరమైన
రోగులలో అనవసరమైన సిస్టోస్కోపీలను నివారించవచ్చుని చెబుతున్నారు.