భగవంత్ కేసరిలో కాజల్ అగర్వాల్:

నందమూరి బాలకృష్ణ, డైరెక్టర్ అనిల్ రావిపూడి కాంబినేషన్ లో వస్తున్న మూవీ
‘భగవంత్ కేసరి” . ఈ సినిమా షూటింగ్ హైదరాబాద్ లో జరుగుతుంది. ప్రధాన తారాగణంపై
మేకర్స్ ముఖ్యమైన సన్నివేశాలను చిత్రీకరిస్తున్నారు. పైన్ స్క్రీన్స్
బ్యానర్పై సాహు గారపాటి, హరీష్ పెద్ది నిర్మిస్తున్న ఈ సినిమాలో ప్రముఖ
నటీనటులు నటిస్తున్నారు.
మేకర్స్ ఎప్పటికప్పుడు అప్డేట్ తో వస్తూ బ్యాక్ టు బ్యాక్ ట్వీట్లను
అందజేస్తున్నారు. టైటిల్ ను విడుదల చేసిన అనంతరం టీజర్ తో పాటు
కీలక పాత్రలో నటిస్తున్న శ్రీలీల ఫస్ట్ లుకును విడుదల చేశారు. ఈ చిత్రంలో
కథానాయికగా నటిస్తున్న కాజల్ అగర్వాల్ పుట్టినరోజు సందర్భంగా ఆమె ఫస్ట్ లుక్
ను విడుదల చేశారు. ఫస్ట్ లుక్ పోస్టర్ లో కాజల్ చీరలో అందంగా కనిపించారు.
సైకాలజీ పుస్తకం చదువుతూ ఫోన్లో మాట్లాడుతూ, పెద్ద అద్దాలు ధరించి చిరునవ్వుతో
కనిపించడం అందరినీ ఆకట్టుకుంది. ఈ చిత్రంలో అర్జున్ రాంపాల్ – విలన్ పాత్ర లో
నటిస్తున్నారు. ఈ చిత్రానికి ఎస్ తమన్ సంగీతం అందిస్తున్నారు.