బన్నీ,త్రివిక్రమ్ కాంబినేషన్ లో మరో చిత్రం.?

అల్లు అర్జున్-త్రివిక్రమ్ శ్రీనివాస్ కాంబినేషన్ కు ఓ క్రేజ్ ఉంటుంది. ఇంతకు
ముందు వీరి కలిసి జులాయి, సన్నాఫ్ సత్యమూర్తి, అల వైకుంఠపురం లాంటి విజయవంతమైన
చిత్రాలు చేశారు.ఈ చిత్రాలు మూడు కూడా మంచి ప్రేక్షకాదరణ పొందాయి. ఇందులో ‘అల
వైకుంఠపురం’ చిత్రం అల్లు అర్జున్ కెరీయర్లో ఓ ప్రత్యేక చిత్రంగా నిలిచింది.
వీళ్లిద్దరి కాంబినేషన్లో మరో చిత్రం పట్టాలెక్కనుందని సమాచారం. త్రివిక్రమ్
ప్రస్తుతం మహేష్ బాబుతో ‘గుంటూరు కారం’ అనే చిత్రాన్ని తెరకెక్కిస్తున్నాడు.
అల్లు అర్జున్ – సుకుమార్ కాంబినేషన్ లో ‘పుష్ప-2’ పాన్ ఇండియా చిత్రం
రూపుదిద్దుకుంటోంది. ఈ రెండు చిత్రాల తరువాత అల్లు అర్జున్-త్రివిక్రమ్
శ్రీనివాస్ సినిమా ఉంటుందని సమాచారం. ఈ చిత్రానికి సంబంధించిన ఓ లైన్ ను ఇటీవల
వినిపించడం, బన్నీ అందుకు గ్రీన్ సిగ్నల్ కూడా ఇచ్చాడని అంటున్నాయి పరిశ్రమ
వర్గాలు.