మహేష్ కి జోడీ గా మీనాక్షీ కి బంపర్ ఆఫర్..?

హీరో మహేశబాబు, దర్శకుడు త్రివిక్రమ్ దర్శకత్వంలో నటిస్తున్న తాజ చిత్రం
‘గుంటూరు కారం’. ఈ సినిమాలో హీరోయిన్ గా మీనాక్షీ చౌదరి నటించనున్నారనే ఫిల్మ్
నగర్ లో వినిపిస్తోంది. కథ రీత్యా ఈ చిత్రంలో ఇద్దరు హీరోయిన్లు ఉండే చాన్స్
ఉంది. పూజా హెగ్దే, శ్రీలీలను ఎంపిక చేశారు. అయితే డేట్స్ సర్దుబాటు చేయలేక ఈ
సినిమా నుంచి పూజా హెగ్దే తప్పుకున్నారు. దీంతో పూజా స్థానంలోకి మరో హీరోయిన్
ను ఎంపిక చేసే పనిలో పడింది టీమ్. ఈ నేపథ్యంలో తాజాగా మీనాక్షీ చౌదరి పేరు
వినిపిస్తోంది. తేజ ‘ఖిలాడి’, అడివి శేష్ ‘హిట్ 2’ వంటి సినిమాలతో మీనాక్షీ
చౌదరి తెలుగు ప్రేక్షకులకు అలరించింది. ప్రస్తుతం విశ్వక్ సేన్ హీరోగా
నటిస్తున్న ఓ చిత్రంలో ఈ బ్యూటీ నటిస్తున్నారు. మరి ‘గుంటూరు కారం’ లో మహేష్
కి జోడీగా నటించే బంపర్ ఆఫర్ నీ మీనాక్షీ కొట్టేస్తారా? చూడాలి మరి.