బ్లాక్ టీ (Black Tea) ఆరోగ్యానికి చాలా ఉపయోగకరంగా ఉంటుంది అని చెప్పవచ్చు.
ప్రపంచంలో టీ ప్రియులకు కొరత లేదు. తరచుగా ప్రజలు తమ రోజును టీతోనే
ప్రారంభిస్తారు. కాగా టీ కోసం ఒక రెసిపీ లేదు.కాలంతో పాటు దాని రుచి కూడా
మారింది. చాలా మంది పాలు, పంచదార, ఆకుల మిశ్రమంతో టీ తాగడానికి ఇష్టపడతారు.
అయితే బ్లాక్ టీ (Black Tea) ఆరోగ్యానికి చాలా ఉపయోగకరంగా ఉంటుంది అని
చెప్పవచ్చు. దీని రుచి, వాసన భిన్నంగా ఉంటాయి. అయితే బ్లాక్ టీ (Black Tea) లో
కెఫిన్ మొత్తం కాఫీ కంటే చాలా తక్కువగా ఉంటుంది. బ్లాక్ టీలో యాంటీ ఆక్సిడెంట్
గుణాలు ఉంటాయి. ఇది శరీరంలో మంటను తగ్గించడంలో సహాయపడుతుంది. ఇది కాకుండా ఇది
అనేక ఆరోగ్య సంబంధిత సమస్యలను తొలగించడంలో సహాయపడుతుంది.
క్యాన్సర్ ప్రమాదాన్ని తగ్గించడంలో సహాయపడుతుంది.
ఒక పరిశోధన ప్రకారం.. బ్లాక్ టీలో ఉండే పాలీఫెనాల్స్ కణితుల పెరుగుదలను
తగ్గిస్తాయి. ముఖ్యంగా ఇది చర్మం, రొమ్ము, ఊపిరితిత్తులు, ప్రోస్టేట్
క్యాన్సర్ ప్రమాదాన్ని తగ్గించడంలో సహాయపడుతుంది.
*గుండెకు మేలు చేస్తుంది:
బ్లాక్ టీలో గుండెకు మేలు చేసే ఫ్లేవనాయిడ్స్ అనే యాంటీ ఆక్సిడెంట్లు ఉంటాయి.
మీరు దీన్ని క్రమం తప్పకుండా తీసుకుంటే అధిక రక్తపోటు, అధిక కొలెస్ట్రాల్,
ఊబకాయంతో సహా గుండె జబ్బుల అనేక ప్రమాద కారకాలను నివారించవచ్చు.
*చెడు కొలెస్ట్రాల్ ని తగ్గిస్తుంది:
శరీరంలో చెడు కొలెస్ట్రాల్ పరిమాణం పెరగడం అనేక తీవ్రమైన వ్యాధులకు దారి
తీస్తుంది. అందువల్ల కొలెస్ట్రాల్ ని సకాలంలో నియంత్రించడం ద్వారా మీరు అనేక
వ్యాధులను నుండి బయట పడవచ్చు. పరిశోధన ప్రకారం.. బ్లాక్ టీ గుండె జబ్బులు లేదా
ఊబకాయం ప్రమాదం ఉన్న వ్యక్తులలో కొలెస్ట్రాల్ స్థాయిలను మెరుగుపరచడంలో
సహాయపడుతుంది.
*జీర్ణవ్యవస్థను ఆరోగ్యంగా ఉంచుతుంది:
బ్లాక్ టీ తీసుకోవడం వల్ల మంచి బ్యాక్టీరియా వృద్ధి చెందుతుంది. అదనంగా ఇది
యాంటీ బాక్టీరియల్ లక్షణాలను కలిగి ఉంది. ఇది గట్ బ్యాక్టీరియాను చంపి,
జీర్ణవ్యవస్థను ఆరోగ్యంగా ఉంచుతుంది.
*దంతాలకు మంచిది:
బ్లాక్ టీ దంతాలలో బ్యాక్టీరియా వృద్ధిని ,కావిటీలను తగ్గించడంలో
సహాయపడతుంది.దీంతో దంతాలు ఆరోగ్యంగా ఉంటాయి.
*బరువు తగ్గడంలో సహాయపడుతుంది:
బ్లాక్ టీ తాగడం వల్ల జీవక్రియ మెరుగవుతుంది. ఇది బరువు తగ్గించడంలో
సహాయపడుతుంది. ఇందులో ఉండే ఫ్లేవనాయిడ్స్ బరువు నియంత్రణలో సహాయపడతాయి.
