ఈ నెల 21న మిస్ శెట్టి..మిస్టర్ పొలిశెట్టి..టైలర్

అనుష్క, నవీన్ పొలిశెట్టి ప్రధాన పాత్రధారులుగా తెరకెక్కుతున్న చిత్రం ‘మిస్
శెట్టి మిస్టర్ పొలిశెట్టి’. మహేశ్ బాబు. పి దర్శకత్వం వహిస్తున్నారు. యు. వి.
క్రియేషన్స్ పతాకంపై వంశీ, ప్రమోద్ నిర్మిస్తున్నారు. సెప్టెంబరు 7న చిత్రం
ప్రేక్షకుల ముందుకు రానుంది. ఈ నెల 21న ట్రైలర్ ను విడుదల చేయనున్నట్టు
శనివారం చిత్రబృందం తెలిపింది. నవీన్ పొలిశెట్టి ఇందులో స్టాండప్ కమెడియన్
పాత్రలో నటిస్తుండగా, అనుష్క చెఫ్ గా కనిపించనున్నారు. అభినవ్ గోమటం,
మురళీశర్మ, తులసి తదితరులు నటించిన ఈ చిత్రాన్ని తెలుగుతోపాటు, తమిళ, కన్నడ,
మలయాళ భాషల్లో విడుదల చేయనున్నారు.