‘గుంటూరు కారం’ కోసం మహేష్ పోరాటం…

మహేష్ బాబు కథానాయకుడిగా నటిస్తున్న తాజా చిత్రం ‘గుంటూరు కారం’. త్రివిక్రమ్
శ్రీనివాస్ దర్శకుడు. శ్రీలీల, మీనాక్షి చౌదరి కథానాయికలుగా నటిస్తున్నారు.
అతడు, ఖలేజా వంటి విజయవంతమైన చిత్రాల తర్వాత మహేష్ బాబు-త్రివిక్రమ్
కాంబినేషన్ లో రాబోతున్న ఈ సినిమాపై అభిమానులు భారీ అంచనాలను పెట్టుకున్నారు.
ఇప్పటికే విడుదలైన ఫస్ట్ లుక్ పోస్టర్స్, గ్లింప్స్ కు మంచి స్పందన లభించింది.
ప్రస్తుతం ఈ సినిమా చిత్రీకరణ హైదరాబాద్ లో జరుగుతున్నది. ఇంటర్వెల్ సీన్స్
కి సంబంధించిన భారీ పోరాట ఘట్టాలను చిత్రీకరిస్తున్నారని తెలిసింది. ఈ యాక్షన్
ఘట్టాలు సినిమాకు ప్రధానాకర్షణగా నిలుస్తుందని అంటున్నారు. అందరి అంచనాలను
అందుకునేలా ఈ సినిమా విషయంలో దర్శకుడు త్రివిక్రమ్ ప్రత్యేక శ్రద్ధ
తీసుకుంటున్నారని చెబుతున్నారు. హారికా అండ్ హాసిని క్రియేషన్స్ పతాకంపై
సూర్యదేవర రాధాకృష్ణ నిర్మిస్తున్న ఈ చిత్రం వచ్చే ఏడాది జనవరి 12న ప్రేక్షకుల
ముందుకురానుంది.