ప్రధాని నరేంద్ర మోడీతో వీడియో కాన్ఫరెన్స్‌లో పాల్గొననున్న సీఎం జగన్‌

గుంటూరు : ప్రధానమంత్రి నరేంద్ర మోడీతో ఆంధ్రప్రదేశ్‌ ముఖ్యమంత్రి వై.ఎస్‌
జగన్‌ మోహన్‌రెడ్డి వీడియో కాన్ఫరెన్స్‌లో పాల్గొంటారు. సాయంత్రం 5 గంటలకు పలు
రాష్ట్రాల సీఎంలు, లెఫ్టినెంట్‌ గవర్నర్‌లతో వీడియో కాన్ఫరెన్స్‌ ఏర్పాటు
చేశారు. భారత్‌లో జరగనున్న జీ-20 సదస్సు సన్నాహకాలపై ఈ సందర్భంగా
చర్చించనున్నారు. దేశవ్యాప్తంగా జరగబోతున్న సదస్సుల్లో ఏపీకి కేంద్రం అధిక
ప్రాధాన్యతను ఇచ్చింది. ఫిబ్రవరి, ఏప్రిల్‌లో మూడు సదస్సులను ఏపీలో
నిర్వహించాలనే యోచనలో ప్రధాని ఉన్నారు. జీ-20 సదస్సు సన్నాహకాలకు విశాఖపట్నం
వేదిక కానుంది. కాగా జీ–20 అధ్యక్ష దేశంగా భారత్‌ బాధ్యతలు చేపట్టిన నేపథ్యంలో
ఈ ఏడాది డిసెంబర్‌ నుంచి వచ్చే ఏడాది నవంబర్‌ వరకు సదస్సులు, వివిధ
కార్యక్రమాలు నిర్వహించాలని కేంద్ర ప్రభుత్వం నిర్ణయించింది. ఇందులో భాగంగా
దేశంలోని 56 నగరాలు, పట్టణాల్లో వివిధ అంశాలకు సంబంధించి 200 సదస్సులు
నిర్వహించబోతోంది. ఏపీ నుంచి విశాఖపట్నాన్ని కేంద్రం ఎంపిక చేసింది.